مقالة | الـ «سوشيال ميديا».. أهم من الأكل والشرب !!

101

 بقلم / محمد ابراهيم حميده:

بصوت حسن حسني
خلاف بسيييييييييط بين اتنين في الفن أصبح تريند.
السوشيال ميديا تقريبا بقت أهم من الأكل والشرب.
ياحسين خد كيس الزبالة معاك وسدد الانترنت.
ياعبد الله هاتلنا معاك تمن جبنة واتصل بالشركة شوف النت بتيئ ليه.
ياحميدة هات نفسك وتعالي عشان السلك اتقطع ومعاه المسلسل.
عرفتش الخبر … ايه الخبر
حلا شيحة اتجوزت وقعدت في البيت
وإيه الجديد
اتجوزت معز مسعود
مين معز مسعود
واحد خريج الجامعة الامريكية بيحب يقول علي نفسه باحث اسلامي
أه بس هو كاتب علي بروفايله انه موسيقي وشاعر ومغني وكل شئ والعكس
طول عمرك حاقد وبتغير
ههههههه طيب المهم ايه بقة اللي حصل
فجأة بعد ما ممثلت فيلم مع تامر حسني وخدت اجر عالي في بعض التقديرات يصل لملايين قررت تعتزل وتقول ان وجودها في الفيلم غلطة وزلة والكليب اللي جوا الفيلم “مايرضيش ربنا”
وبعدين
ابدا ياسيدي رد عليها تامر حسني بإنك ما مثلتيش في الفيلم مرغمة واخدتي اجرك كامل وشلنا لك اللقطات اللي اعترضتي عليها
قوم ايه
اييييه
يدخل معز مسعود زوج حلا علي خط الأزمة ليساند زوجته علي انستجرام ويقول ايه بقت
“عاوز أفكرك يا حبيبتي إن رحلتنا هي رحلة بحث عن الحق والخير والجمال.. رحلة اعتزاز بالثقافة والهوية.. نموذج قوي لرفض التطرف على الناحيتين.. الناحية المكسوفة من هويتها وبتقلّد الغرب من غير حكمة او علم او عزة (اللي انا سميته “الانتحار الثقافي” في كلمتي في الحوار الوطني سنة ٢٠١١)”
ساند زوجته بكلمه كان قد القاها في مؤتمر في 2011 !!
شوف يامؤمن صفحة الفنانة المصرية “حلا شيحة” علي انستجرام عليها 2.5 مليون متابع هي تطخ الكلمتين من هنا وتنطلق الحكايات ويتفاعل معها أكثر من 80 ألف متابع.
وبحسب موقع «influencer marketing hub» المتخصص في أرباح إنستجرام، وصلت قيمة متوسط أرباح «حلا» المقدرة لكل منشور على حسابها، إلى ما بين 4837 إلى 8062 دولاراً، أي ما يعادل قرابة الـ126.6 ألف جنيه وذلك حسب موقع جريدة أخبار اليوم.
وحينما تفتح صفحة تامر حسني علي فيس بوك تجد عليها 26 مليون بني آدم وأول ما يطالعك هو إعلان عمله تامر لشركة كوكاولا وكليب الفيلم اللي عليه الكلام.
ورغم شهرة معز مسعود فعلي صفحته علي انستجرام 67 ألف متابع فقط.
تحياتي وتقديري للي مدور الليلة دي كلها
قد يعجبك ايضا
اترك رد

Your email address will not be published.