أكل ونصيحة.. و حدوتة منى سعد

13


أنا منى سعد
ازيكوا يا حبايب قلبي
يارب يكون الكل بخير
النهارده هنتكلم عن جنين القمح
ايه هو جنين القمح : هو القشره اللي بتغطي القمحه طب دي ليها فوايد ايه؟
وبجد بتخسس؟
اه طبعا بتخسس جدا لا نها بتحسسك بالشبع
وبتملي المعده
لازم نكون عارفين إن أي حاجه من منتجات القمح تحتاج لشرب ميه كتير طول اليوم
طب إيه مكوناتها
تحتوي يا جماعة
علي أوميجا 3
بروتينات وحديد ومنجنيز وكالسيوم ودهون ونحاس
والحاجات دي مفيدة يا منى ؟
مفيدة طبعا
طب فوايدها ايه لجسمنا
تعمل تقوية المناعة
وحمايه القلب من تصلب الشرايين
ومغذية جدا للبشرة والشعر
والوقايه من مرض السكر
والمحافظه علي عضلات الجسم
وزي ماقلنا بتعمل علي إذابه دهون البطن
و موجود عند كل العطارين
طيب بنستخدمه في ايه
تعالوا ندخل المطبخ ونشوف
انا عن نفسي بحب آخد معلقه علي كوباية زبادي قبل ما انام
أو معلقه صغيره علي طبق السلطه
وبحب أحطه في عجينه العيش الاسمر الصحي
وبالهنا
يارب اكون قدرت افيدكوا
اشوفكم علي خير
استنوا
اللي عنده حساسيه الجالوتين او القمح بلاش يستخدمه
بديله زي ماقلنا قبل كدا بذر الكتان
بحبكوا في الله
وشكرا لكل الناس اللي بتهتم وتقرالي
وباي …….باي

قد يعجبك ايضا
اترك رد

Your email address will not be published.