أكل ونصيحة.. وحدوتة منى سعد

101


ازيكوا يا حبايب قلبي وحشتوني
هنتكلم النهارده عن الكركم
هتقولولي هو الكركم بيخسس هقولكوا جدا وهايل
طبعا هو بهار هندي
وبيستخدموه هناك في كل حاجات حتي ماسكات الوش
‪‎‪ وهبقي اقولكوا علي ماسكات طبيعيه تستخدموها
المهم الكركم وأهميته لينا
وخصوصا السيدات التي تبدا اعمارهم من 50 سنه
طب ليه 50 ؟
علشان بيفيدنا في حاجات كتير اهما التهاب المفاصل
عشان هو مضاد قوي للالتهابات ومسكن طبيعي جدا
‪‎‪السرطان ويعمل علي محاربة
وبيزيل سموم الكبد وبيقلل الكوليسترول
وبيساعد في بناء أنسجة البشره
تيجي نقول ازاي بيخسس
اولا .بيمنع نمو الأنسجه الدهنيه في أنحاء مختلفه من الجسم
وخاصه البطن والأرداف
‪‎‪‬‬ وبيساعد علي حرق الدهون
بينظم عمليه الهضم يعني مافيش انتفاخ
مافيش حموضه
وبيعمل علي تثبيت الهرمون المسئول عن الشهية
انتوا عارفين ان كل الستات نفسها بتتفتح قبل
أيام الدوره الشهريه
الكركم بيتحكم فيها
ممكن نستخدم الكركم بهارات عادي في الاكل
زي الرز والمشويات
ماشي ؟
بس انا عايزه يساعدك اكتر سواء للتخسيس أو التهاب المفاصل
مافيش ست ما بتشتكيش منها
بس صدقوني جربته فعلا في كل حاجه
فعلا مضاد قوي ومالوش أي ضرر
كل اللي مطلوب منك تشربي كوبايه واحده في اليوم وهتحسوا بفرق في التخسيس أو الالتهابات
يلا ندخل مطبخنا ونحضر مشروب الكركم
انا عن نفسي حبيته باللبن اكتر
هنغلي كوب لبن
ونحط فيه معلقة كركم ونص معلقه عسل ابيض
وممكن سكر دايت
عشان يساعد اكتر في التخسيس
و اشربوه الصبح علي الريق
ممكن بطريقه تانيه
هتجيب كوباية ميه مغلية
ونحط فيها نص معلقه كركم ونص معلقه زنجبيل ونص معلقه عسل
طبعا عن نفسي بزود نص ليمونة لزيادة الحرق
برضه كوبايه واحده في اليوم وبالهنا يا حبايبي
يارب اكون كنت ضيفه خفيفه عليكوا
وباي باي

قد يعجبك ايضا
اترك رد

Your email address will not be published.