أكلة ونصيحة ..و حدوتة منى سعد

23

ازيكوا يا حبايب قلبي

يارب تكونوا بخير

ويارب 2020تكون سنه سعيده علي الكل

النهارده هنكمل كلامنا عن الأعشاب اللي بتساعدنا علي التخسيس وطبعا أنا جربتها

وزي ماقولتلكوا قبل كدا التخسيس يبدأ من الداخل عشان يساعدنا من الخارج

هنتكلم النهارده عن الشمر والينسون

الاتنين من أكتر الاعشاب اللي بتساعد علي التخسيس طيب إزاي بيحصل ده

احنا لما بناكل بيحصلنا انتفاخ ودا بيعمل علي بروز البطن بشكل سيء

الشمر والينسون اكتر مكونين بيساعدوا علي طرد الغازات والانتفاخات وبيعملوا علي تنظيف الكبد من الدهون والسموم وإذابة دهون البطن

وطبعا الينسون بيساعد علي الشفاء من نزلات البرد والتهاب الجهاز التنفسي وتغذية الشعر والبشر عشان بيحتوي علي معادن وفيتامينات كتير

وبيعمل علي خروج الميه الزايدة في الجسم وطرد السموم

والشمر بيتحكم في سد الشهيه وبيعمل علي تسريع عملية حرق الدهون لانه بيحتوي علي مادة الميلاتونين اللي بتسيطر علي زيادة الوزن

عشان كدا لازم نشرب الاتنين مع بعض بدل ما نشرب كافيين كتير ويرفع ضغطنا

يالله ندخل المطبخ نشوف هنعمله إزاي ونشربه إمتي

هنحط معلقه صغيره ينسون وزيها شمر ونغليهم ونشرب كوباية الصبح علي الريق وكوبايه قبل النوم وياريت بدون سكر علشان نقدر نستفيد منهم

وأنا كنت بحط نص لمونه عليهم عشان أسرَّع عملية الحرق وعشان فيتامين سي بيثبت الفيتامينات في الجسم

معلش طولت عليكوا

يارب اكون قدرت افيدكوا باي باي

قد يعجبك ايضا
اترك رد

Your email address will not be published.